છલોછલ જે ભર્યું'તું તે કર્યું ખાલી હવે,
તું લંબાવે હથેલી તો દઉં તાલી હવે.
નિમંત્રણ વિણ મહેફિલમાં અહીં આવી ચડ્યો;
રજા આપી શકે જો તું જઉં ચાલી હવે.
ગયાં પર્ણો, ખર્યાં પુષ્પો, વસંતો પણ ગઈ,
અચાનક એકલી આ વેલ કૈં ફાલી હવે.
પદારથ પિંડમાં ને પિંડ આ બ્રહ્માંડમાં,
સકલ પીડાય તે લાગે ભલી વ્હાલી હવે.
મળ્યો અવસર, અમોલખ આંગણે આવી ઊભું,
અદીઠાનું અડોઅડ તે લિયો ઝાલી હવે.
- રાજેન્દ્ર શુક્લ
Saturday, March 21, 2009
Subscribe to:
Post Comments (Atom)
No comments:
Post a Comment