આ હાથનો કમાલ, કોઈ પૂછશો નહિ !
તલવાર છે કે ઢાલ? કોઈ પૂછશો નહિ !
જેનાં ખયાલમાં ન રહ્યો કોઈનો ખયાલ,
કોનો હતો એ ખ્યાલ? કોઈ પૂછશો નહિ !
આવ્યો વિચાર શું કે મળી ને ઢળી નજર?
એ શર્મથી છે લાલ, કોઈ પૂછશો નહિ !
જે થઈ ગયું એ થઈ ગયું ભૂલી ગયો છું હું,
તો શું થયું’તું કાલ? કોઈ પૂછશો નહિ !
જેની દરેક પળ હતી વર્ષો સમાન, એ-
વિતાવ્યા કેમ સાલ? કોઈ પૂછશો નહિ !
- પરેશ કળસરિયા
E-Mail: paresh_kalasariya@yahoo.com
Subscribe to:
Post Comments (Atom)
wah paresh bhai wah....bahot achchhe!!!!!!!!!!
ReplyDelete-kuldeep