તું નટડી છે ને હું નટ છું એમ કહાની ઘડીએ તો...
તું મેના ને હું પોપટ છું એમ કહાની ઘડીએ તો...
મારામાં તું ઘાસ બનીને કોમળ કોમળ રંગો પૂર !
પથ્થર જેવો હું બરછટ છું એમ કહાની ઘડીએ તો...
તારી છાતી ગજ-ગજ ફૂલે મારું હોવું સાર્થ બને,
તારી અંદરનો હું વટ છું એમ કહાની ઘડીએ તો...
મારામાંથી બીજ સ્વરૂપે હું જ પછી નીકળી જાઉં,
હું જીવનનું ફળ પાકટ છું એમ કહાની ઘડીએ તો...
જેનાં ઘરની બારી ખુલ્લી એનાં ઘરને ધન્ય કરું,
પ્રેમ-અમીની હું વાછટ છું એમ કહાની ઘડીએ તો...
તું મીરાં છે, તું રાધા છે, તું છે અલ્લડ ગોપી ને-
નંદનો લાલો હું નટખટ છું એમ કહાની ઘડીએ તો...
- અલ્પેશ કળસરિયા
E-Mail:
alpesh_kalasariya@yahoo.com
Thursday, February 14, 2008
Subscribe to:
Post Comments (Atom)
wo wkt dusra tha is good poem. I heared it in the live progaramm. YOur efforts for this site are deserve to praise. I hope you will reach name and fame in the world of gujarati literature.
ReplyDelete